ប្រកាសនិងកែសម្រួលភារកិច្ចនាយខណ្ឌរដ្ឋបាលព្រៃឈើខេត្តត្បូងឃ្មុំ
08-July-2016 | ដោយ មែន កំសត់
ត្បូងឃ្មុំ៖ក្រសួងកសិកម្មរុក្ខាប្រមាញ់និងនេសាទបានសម្រេចធ្វើ ការផ្ទេរភារកិច្ចនិងតែងតាំងមន្ត្រីជានាយនិងនាយរងខណ្ឌរដ្ឋបាល ព្រៃឈើត្បូងឃ្មុំ ដើម្បីប្រឡងប្រណាំងទប់ស្កាត់បទល្មើសព្រៃឈើ ដែលបានប្រកាសជាផ្លូវនៅសាលាខេត្តត្បូងឃ្មុំកាលពីថ្ងៃទី ៦ខែកក្កដានេះ។
ក្នុងនោះមានការអញ្ជើញចូលរួមជាអធិបតីពី សំណាក់ឯកឧត្តម ហាស់ សរ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និង នេសាទ និង ឯកឧត្តមប្រាជ្ញ ចន្ទ អភិបាលខេត្តត្បូងឃ្មុំព្រមទាំងមានការចូលរួមពីអភិបាលរងខេត្ត ប្រធានសាលាដំបូង ព្រះរាជអាជ្ញាអមសាលាដំបូង និង តំណាងមន្ទីរអង្គភាពនានាជុំវិញខេត្ត។
នាឱកាសនោះមន្ត្រីអគ្គនាយកបុគ្គលិកក្រសួងកសិកម្ម បានអានសេចក្តីប្រកាសផ្ទេរ និងកែសម្រួលភារកិច្ចលោកងីវីរ:ជានាយខណ្ឌរដ្ឋបាលព្រៃឈើត្បូងឃ្មុំ ទៅជានាយខណ្ឌរដ្ឋបាលព្រៃឈើពោធិ៍សាត់ហើយតែងតាំងលោកគឹមឈុនលីដែលជា នាយរងខណ្ឌឡើងជានាយខណ្ឌរដ្ឋបាលព្រៃឈើត្បូងឃ្មុំ។ក្នុងនោះ បានតែងតាំងលោកទួតវត្ថាជានាយរងខណ្ឌរដ្ឋបាលព្រៃឈើត្បូងឃ្មុំ និង លោក យី សុខហេង ជានាយផ្នែករដ្ឋបាលព្រៃឈើមេមត់។
បន្ទាប់ លោក គឹម ឈុនលី នាយខណ្ឌថ្មីបានធ្វើការប្តេជ្ញាចិត្ត និង ឯកទ្តមអភិបាលខេត្ត ប្រាជ្ញា ចន្ទបានធ្វើការផ្តាំផ្ញើរួចមកឯកឧត្តម ហាស់ សារ៉េត រដ្ឋលេខាធិការក្រសួងកសិកម្មបានថ្លែងថា នេះជាការកែសម្រួល និង តែងតាំងមន្ត្រីរដ្ឋបាលព្រៃឈើថ្នាក់នាយខណ្ឌ នាយរងខណ្ឌ ផ្នែកមួយចំនួនតាមបណ្តាខេត្ត ដើម្បីទប់ស្កាត់បង្ក្រាបបទល្មើសព្រៃឈើ។
ឯកឧត្តមបាន ថ្លែងឲ្យដឹងទៀតថាខេត្តត្បូងឃ្មុំគ្រាន់តែជាខេត្តដែលឈ្មួញ ដឹកជញ្ជូនឈើឆ្លងកាត់គឺពុំមែនជាកន្លែងកាប់បំផ្លាញព្រៃឈើទេ។ ប៉ុន្តែការផ្ទេរនិងតែងតាំងភារកិច្ចមន្ត្រីរដ្ឋបាលព្រៃឈើនេះកត្តា សំខាន់គឺជំរុញមន្ត្រីគ្រប់ខណ្ឌរដ្ឋបាលព្រៃឈើគ្រប់ខេត្តទាំងអស់ ប្រឡងប្រណាំងបង្ក្រាបបទល្មើសព្រៃឈើទាំងអស់គ្នា៕
ចំនួនអ្នកទស្សនា
- ថ្ងៃនេះ981
- ម្សិលមិញ4501
- សប្តាហ៍នេះ981
- ខែនេះ10681
- ឆ្នាំនេះ253921
- សរុប20696377